జిల్లా వ్యాప్తంగా 7 లక్షల మొక్కలు-కలెక్టర్

నెల్లూరు: జిల్లా వ్యాప్తంగా 7 లక్షల మొక్కలను నాటినట్లు జిల్లా కలెక్టర్ చక్రధర్ బాబు చెప్పారు. కార్తీక వనమహోత్సవ కార్యక్రమంలో భాగంగా బుధవారం నెల్లూరు నగర శివారులోని పొదలకూరు రోడ్డులోని నగరవనంలో అటవి శాఖ ఆధ్వర్యంలో కలెక్టర్త మొక్కలు నాటారు. ఈ సందర్భంగా కలెక్టర్ మాట్లాడుతూ జగనన్న పచ్చతోరణం కార్యక్రమంలో భాగంగా జిల్లాలో ముమ్మరంగా మొక్కలు నాటి పచ్చదనాన్ని పెంపొందించాలన్నారు. జిల్లా వ్యాప్తంగా 12.10 లక్షల మొక్కలను నాటాలని లక్ష్యంగా పెట్టుకోవడం జరిగిందన్నారు. ఇందులో ఇప్పటివరకు అన్ని ప్రభుత్వ శాఖల  సహకారంతో 7 లక్షలు మొక్కలు నాటడం జరిగిందన్నారు. ఈ కార్యక్రమంలో జిల్లా అధికారులు పాల్గొన్నారు.