కర్నాటక అసెంబ్లీ ఎన్నికల షెడ్యూల్ విడుదల చేసిన ఈ.సీ

అమరావతి: కర్నాటక అసెంబ్లీ ఎన్నికల షెడ్యూల్ ను కేంద్ర ఎన్నికల సంఘం విడుదల చేసింది..ఒకే దశలో అసెంబ్లీ ఎన్నికలు నిర్వహించనున్నారు..మొత్తం 224 అసెంబ్లీ స్థానాలకు మే 10వ తేదిన పోలింగ్,,మే 13వ తేదీన కౌంటింగ్ నిర్వహించనున్నారు..బుధవారం నుంచే ఎన్నికల కోడ్‌ అమల్లోకి వచ్చింది..కర్ణాటక శాసనసభ గడువు మే 25వ తేదీతో ముగియనున్న నేపధ్యంలో అసెంబ్లీ ఎన్నికలకు సంబంధించి 13 ఏప్రిల్, 2023న నోటిఫికేషన్ విడుదల కానుంది..నామినేషన్ల దాఖలుకు ఏప్రిల్ 20వ తేదీ వరకు గడువు ఇచ్చారు..

కర్నాటకలో మొత్తం 5.21 కోట్ల మంది ఓటర్లు ఉండగా,, పురుషులు 2.62 కోట్లు,,మహిళలు 2.59 కోట్లు ఉన్నారు.. కర్నాటక రాష్ట్రంలో నిర్వహించనున్న ఎన్నికల్లో ఈసీ తొలిసారిగా “ఓటు ఫ్రమ్‌ హోం” అనే ప్రత్యేక సదుపాయాన్ని ఓటర్లకు అందుబాటులోకి తెచ్చింది..80 సంవత్సరాలు దాటిన వృద్ధులు,, అంగవైకల్యంతో బాధపడుతున్న వారు “ఓటు ఫ్రమ్‌ హోం” అవకాశాన్ని వినియోగించుకుని ఇంటి నుంచే ఓటు వేయవచ్చని కేంద్ర ఎన్నికల ప్రధాన అధికారి (CEC) రాజీవ్‌ కుమార్‌ వెల్లడించారు..