రోడ్డు ఆక్రమణ షాపులపై చర్యలు తీసుకోండి- కమిషనర్ వికాస్ మర్మత్
నెల్లూరు: నగర పాలక సంస్థ పరిధిలోని స్థానిక పాత జిల్లా పరిషత్ కార్యాలయం-బారకాసు రోడ్డులోని అక్రమణలను కమిషనర్ వికాస్ మర్మత్ గురువారం సాయంత్రం పరిశీలించారు. ఫుట్ పాత్, మరుగుదొడ్లను ఆక్రమిస్తూ ఏర్పాటు చేసిన దుకాణాలతో పరిసరాలు అపరిశుభ్రంగా మారడంతో పాటు ట్రాఫిక్ సమస్య కూడా ఎక్కువగా ఉన్నట్లు తమ దృష్టికి వచ్చిందని తెలిపారు. సంబంధిత శానిటేషన్, టౌన్ ప్లానింగ్ అధికారులు వెంటనే తగిన చర్యలు తీసుకుని ఆక్రమణలను తొలగించాలని కమిషనర్ ఆదేశించారు.ఈ కార్యక్రమంలో శానిటేషన్ విభాగం అధికారులు, సచివాలయాల కార్యదర్శులు పాల్గొన్నారు.