పోలీస్ సిబ్బంది అలవెన్స్ ల్లో కోతలు,సిబ్బందిలో మొదలైన సణుగుడు
అమరావతి: రాష్ట్ర ప్రభుత్వం పోలీస్ సిబ్బంది అలవెన్స్ ల్లో కోత విధిస్తూ GO No-79ని విడుదల చేసింది..వైసీపీ ప్రభుత్వం ప్రతిష్టాత్మకంగా చేపట్టిన దిశ సిబ్బందికి గతంలో కేటాయించిన 30 శాతం అలవెన్స్ ను పూర్తిగా తొలిగిస్తూ నిర్ణయం తీసుకుంది..ఏజెన్సీ ప్రాంతాల్లో పని చేసే యాంటీ నక్సలిజం స్క్వాడ్(ANS) సిబ్బందికి ఉన్న 15 శాతం అలవెన్స్ ను కూడా పూర్తిగా తొలిగించింది. డిప్యూటేషన్ పై ACBలో పని చేస్తున్న వారి అలవెన్స్ 30 నుండి 25 శాతానికి కుదించింది..అలాగే ACBలో నేరుగా రిక్రూట్ అయిన వారి అలవెన్స్ 10 నుంచి 8 శాతానికి కుదిస్తూ నిర్ణయం తీసుకుంది..ఏజెన్సీలో పని చేసే ప్రభుత్వ ఉద్యోగులకు అడిషినల్ HRA సైతం తొలగించింది. కానిస్టేబుల్స్ సైకిల్ అలవెన్స్ కూడా తొలగించింది..జులై 12వ తేదీన అలవెన్సులలో కోత విధిస్తూ GO No-79ని GO చేయగా,, GO కు అనుకూలంగా ఉన్నట్లు ప్రభుత్వానికి DGP కార్యాలయం సమ్మతిని తెలిపింది..దింతో రాష్ట్ర పోలీస్ సిబ్బంది అలవెన్స్ ల్లో కోతలు మొదలయ్యాయి..విధుల్లో కష్టపడిన వారికి ఇచ్చే అలవెన్స్ లలో కూడా కోత విధించడమేటంటూ పోలీసులు సిబ్బందిలో సణుగుడు మొదలైంది.