రాష్ట్రపతి చేతుల మీదుగా “జాతీయ ఉత్తమ నటుడు” పురస్కారం అందుకున్న బన్నీ

హైదరాబాద్: టాలీవుడ్ ఐకాన్ స్టార్ అల్లు అర్జున్ తెలుగు సినిమా పరిశ్రమ నుంచి తొలిరిగా “జాతీయ ఉత్తమ నటుడు” పురస్కారం అందుకున్నారు.. మంగళవారం ఢిల్లీలో జరిగిన జాతీయ చలన చిత్ర అవార్డుల ప్రదానోత్సవంలో రాష్ట్రపతి ద్రౌపది ముర్ము చేతుల మీదుగా ఈ జాతీయ పురస్కారం అందుకున్నారు.. 69 సంవత్సరాల తెలుగు సినిమా చరిత్రలో ఈ ప్రతిష్ఠాత్మక పురస్కారం అందుకున్న మొదటి తెలుగు హీరోగా చరిత్ర సృష్టించారు..సుకుమార్ దర్శకత్వంలో వచ్చిన పుష్ప సినిమాకు గానూ అల్లు అర్జున్ ఈ అవార్డు అందుకున్నారు.. ఎర్రచందనం స్మగ్గింగ్ నేపథ్యంలో తెరకెక్కిన ఈ పాన్ ఇండియా సినిమా లో పుష్పరాజ్ గా బన్నీ హీరో పాత్ర పోషించాడు..రష్మిక మంధన్నా హీరోయిన్ గా నటించింది.. 2021 డిసెంబర్ 17న విడుదలైన ఈ సినిమా తెలుగుతో పాటు అన్ని భాషల్లోనూ సూపర్ డూపర్ హిట్ గా నిలిచింది..అల్లు అర్జున్ కు అభినందనలు, ప్రశంసలు వెల్లువెత్తుతున్నాయి..జాతీయ అవార్డుల ప్రదానోత్సవంలో అల్లు అర్జున్ వెంట సతీమణి స్నేహలతా రెడ్డి కూడా ఉన్నారు.. ఈ కార్యక్రమంలో పలువురు కేంద్రమంత్రలు పాల్గొన్నారు.