గ్రీన్ కార్డు అందుకోకుండానే,దాదాపు 4 లక్షల మంది భారతీయులు జీవితంను ముగిస్తారా ?
అమరావతి: అమెరికా జారీ చేసే గ్రీన్ కార్డు కోసం ప్రతి సంవత్సరం లక్షల సంఖ్యలో వివిధ దేశాల నుంచి వచ్చిన వలసదారులు ఎదురుచూస్తుంటారు..గ్రీన్ కార్డు జారీలో జరుగుతున్న ఆలస్యం కారణంగా దాదాపు 4 లక్షల మంది భారతీయులు ఆ కార్డును అందుకోకుండానే జీవితంను ముగిస్తారని ఒక సర్వేలో తేలింది..అమెరికాకు చెందిన క్యాటో ఇన్స్టిట్యూట్ ఇచ్చిన నివేదిక ప్రకారం వివరాలు ఇలా వున్నాయి..అమెరికా ఎంప్లాయిమెంట్ ఆఫీసు వద్ద గ్రీన్ కార్డు కోసం సుమారు 11 లక్షల మంది భారతీయుల దరఖాస్తులు పెండింగ్లో ఉన్నాయని,,వారందరికీ ఇప్పట్లో గ్రీన్కార్డు అందడం అసాధ్యంగా కనిపిస్తోందని పేర్కొంది.. అమెరికా ఎంప్లామెంట్ శాఖ వద్ద మొత్తం 18 లక్షల గ్రీన్ కార్డు దరఖాస్తులు పెండింగ్లో ఉన్నాయని,అందులో 63 శాతం దారఖాస్తులు భారతీయులవే అని వెల్లడించింది..వీటికి తోడు ఫ్యామిలీ సిస్టమ్ తో లింకు ఉన్న గ్రీన్ కార్డులు సుమారు 83 లక్షల వరకు పెండింగ్ లో ఉన్నట్లు తెలిపింది..కొత్తగా గ్రీన్ కార్డు కోసం దరఖాస్తు చేసుకున్న భారతీయులకు,,వెయిటింగ్ అనేది ఓ జీవితకాల శిక్షగా మారనున్నట్లు వెల్లడించింది..ప్రస్తుతం ఆ శాఖ వద్ద ఉన్న దరఖాస్తుల్ని క్లియర్ చేయాలంటే దాదాపు 134 ఏళ్లు పడుతుందన్నది.. దాదాపు 4,24,000 మంది గ్రీన్ కార్డు కోసం ఎదురూచూస్తూ జీవితంను ముగిస్తారని,, వీరిలో 90 శాతం మంది భారతీయులే ఉన్నట్లు రిపోర్టులో తెలిపారు.