విధులనుంచి సచివాలయ వలంటీర్ తొలగింపు

నెల్లూరు: ఎన్నికల ప్రవర్తనా నియమావళిని ఉల్లంఘించిన వెంగళరావ్ నగర్ -2 వార్డు సచివాలయ పరిధి వలంటీర్ జె. శ్రీనివాసులును విధుల నుంచి తొలగిస్తూ రిటర్నింగ్ అధికారి/నగర పాలక సంస్థ కమిషనర్ వికాస్ మర్మత్, మంగళవారం ఉత్తర్వులు జారీ చేశారు. ఒక రాజకీయ పార్టీకి అనుకూలంగా లబ్దిదారుల వివరాలను అందజేస్తూ, ఇతర వలంటీర్ లను కూడా వివరాలు అందించాలని ప్రేరేపించే సందేశాలను పంపిస్తున్నందున వలంటీర్ విధులనుంచి తప్పించారు. వలంటీర్ వద్ద ఉన్న బయో మెట్రిక్, మొబైల్ ఫోన్ ను సంబంధిత సచివాలయ ఆడ్మిన్ కార్యదర్శి స్వాధీనం చేసుకోవాలని ఆదేశించారు.