ఏ.పి సబ్ఇన్స్పెక్టర్ ఆఫ్ పోలీస్ నియామకాలపై హైకోర్టు కీలక ఉత్తర్వులు

అమరావతి: ఆంధ్రప్రదేశ్ లోని సబ్ఇన్స్పెక్టర్ ఆఫ్ పోలీస్ నియామకాలపై హైకోర్టు కీలక అదేశాలు ఇచ్చింది.. అభ్యర్థుల ఎత్తు కొలిచే విషయంలో తమకు అన్యాయం జరిగిందంటూ పరీక్షలకు హాజరు అయిన అభ్యర్థులు న్యాయస్థానాన్ని ఆశ్రయించారు.. గతంలో రిజర్వ్ సబ్ ఇన్స్ పెక్టర్ గా పని చేసిన వ్యక్తిని కూడా ఎత్తు సరిపోలేదంటూ తిరస్కరించారని పిటీషనర్ తరపు న్యాయవాది శ్రవణ్ కుమార్ ఆఫీడివిట్ దాఖలు చేశారు.. గతంలో అభ్యర్థులందరి ఎత్తు తన సమక్షంలోనే తీసుకుంటామంటూ హైకోర్టు ఆదేశాలకు అనుగుణంగా పిటీషనర్లందరూ సిద్ధంగా ఉన్నారని న్యాయవాది హైకోర్టుకు వివరించారు..2019లో ఎత్తు విషయంలో క్వాలిఫై అయిన అభ్యర్థులు 2023లో అనర్హత సాధించడంపై గతంలో హైకోర్టులో వాదనలు జరిగాయని,, పూర్తి స్థాయి విచారణ తరువాత ఎస్ఐ ఫలితాలు నిలుపుదల చేయాలి అంటూ సింగిల్ జడ్జి ఉత్తర్వులు ఇచ్చిందని అడ్వకేట్ తెలిపారు..సదరు ఉత్తర్వులను సవాలు చేస్తూ డివిజన్ బెంచ్ కు రాష్ట్ర ప్రభుత్వం అప్పీలు చేసింది..అభ్యర్థులు ఎత్తు విషయంలో తామే నిర్ణయం తీసుకుంటామని,,పిటిషనర్లు అందరూ సోమవారం కోర్టు ముందు హాజరు కావాల్సిందిగా రాష్ట్ర అత్యున్నత న్యాయస్థానం ఆదేశించింది.