నెల్లూరులో అంగన్వాడీ ఉద్యోగుల సమ్మెకు సంఘీభావం తెలిపిన జానీ మాస్టర్
నెల్లూరు: తమ డిమాండ్లను తీర్చాలంటూ నెల్లూరు లోని ICDS కార్యాలయంలో సమ్మె చేస్తున్న అంగన్వాడి ఉద్యోగులకు కొరియోగ్రాఫర్ జానీ మాస్టర్ గురువారం సంఘీభావం తెలిపారు..ఈ సందర్భంలో జానీమాస్టర్ మాట్లాడుతూ నెల్లూరులో సమ్మె చేస్తున్న అంగనవాడి కార్యకర్తలకు మద్దతు తెలుపడానికే ఇక్కడికి వచ్చానని అన్నారు..తాను ఎన్నో కష్టాలు అనుభవించి పైకి వచ్చానని,,సినిమాల్లో అవకాశాలు కోసం ఎదురుచూస్తూ ఒక అవకాశం వస్తే కడుపునిండా తినవచ్చని ఎదురు చూసేవాడిని గుర్తు చేసుకున్నారు..ప్రస్తుతం అంగన్వాడీ ఉద్యోగస్తుల పరిస్థితి కూడా అలాగే ఉందని,, అంగన్వాడీలుకు గత మూడు నెలలుగా ప్రభుత్వం జీతాలు ఇవ్వడం లేదని తెలిసిందన్నారు..నెల తర్వాత జీతం వస్తేనే ఇల్లు గడిచే పరిస్థితిలో అంగన్వాడీలు ఉన్నారని కాబట్టి అంగన్వాడీల న్యాయమైన డిమాండ్లను సీ.ఎం వెంటనే పరిష్కరించాలని విజ్ఞప్తి చేశారు.