అమెరికా అధ్యక్షుడు కాన్వాయ్ ని ఢీ కొట్టిన గుర్తు తెలియని కారు
అమరావతి: అమెరికా అధ్యక్షుడు జోబైడెన్ కాన్వాయ్ లోకి ఓ గుర్తు తెలియని వ్యక్తి డ్రైవ్ చేస్తున్న కారు దూసుకుని రావడంతో సెక్యూరిటీ సిబ్బందిలో కలకలం రేగింది.. అధ్యక్షుడు బైడెన్, ఆయన సతీమణి జిల్ బైడెన్ ఆదివారం రాత్రి 8.09 గంటల సమయంలో డెలావర్ లోని విల్మింగ్టన్ లో ఉన్న తమ పార్టీ ప్రచార కార్యాలయానికి వెళ్లారు.. అక్కడ డిన్నర్ ముగించుకుని ఆఫీసు బయట ఉన్న కాన్వాయ్ వద్దకు వస్తున్నారు..అదే సమయంలో ఓ కారు వేగంగా దూసుకొచ్చి కాన్వాయ్ లోని యూఎస్ సీక్రెట్ సర్వీస్ వాహనాన్ని ఢీకొట్టి,,ఆగకుండా మరో వాహనంపైకి దూసుకెళ్లింది..ఈ సంఘటన జరిగినప్పుడు జిల్ బైడెన్ అధ్యక్ష వాహనంలో కూర్చుని ఉండగా,, ప్రెసిడెంట్ బైడెన్ కేవలం 100 అడుగుల దూరంలో ఉన్నారు..వెంటనే అప్రమత్తమైన భద్రతా సిబ్బంది ఆయనను అధ్యక్ష వాహనంలోకి ఎక్కించి,,అక్కడి నుంచి వైట్ హౌస్ కు తీసుకుని వెళ్లారు..ఈ ఘటనకు పాల్పడిన డ్రైవర్ ను FBI సిబ్బంది అదుపులోకి తీసుకుని విచారిస్తున్నారు.