INSAT-3DS శాటిలైట్ను విజయవంతంగా కక్ష్యలో ప్రవేశ పెట్టిన ఇస్రో
అమరావతి: ఇస్రో GSLV-F14 వాహక నౌక ద్వారా INSAT-3DS శాటిలైట్ను విజయవంతంగా కక్ష్యలో ప్రవేశపెట్టింది..శనివారం శ్రీహరికోటలోని షార్ రెండో నెంబర్ లాంచ్ప్యాడ్ నుంచి సాయంత్రం 5.35 గంటలకు GSLV-F14 రాకెట్ నింగిలోకి దూసుకెళ్లింది.. శుక్రవారం మధ్యాహ్నం 2.05 గంటలకు ప్రారంభమైన కౌంట్డౌన్ 27.30 గంటల పాటు నిరంతరాయంగా కొనసాగింది..INSAT-3DS ఉపగ్రహం ద్వారా వాతావరణ పరిశీలన సుక్ష్మస్థాయిలో జరుగుతుంది..భూమి, సముద్ర ఉపరితల వాతావరణాల గురించి శాస్త్రవేత్తల పరిశోధనల కోసం ఇస్రోకు మెరుగైన సమాచారం అందించనున్నది.. శాటిలైట్ పదేళ్ల పాటు ఇస్రోకి సేవలు అందించనున్నది..ఈ సందర్భంగా ఇస్రో చైర్మన్ సోమ్నాథ్ మాట్లాడుతూ ప్రయోగం విజయవంతమైనట్లు ప్రకటించారు..శాస్త్రవేత్తల బృందానికి అభినందనలు తెలిపారు..ప్రయోగం విజయవంతంగా నిర్వహించిన ఇస్రో బృందానికి కేంద్రమంత్రి జితేంద్రసింగ్ అభినందనలు తెలిపారు.. అంతరిక్షరంగంలో అనేక విషయాలు సాధించాము అంటే ఇందుకు ప్రధాని నరేంద్రమోదీ ప్రోత్సాహమే అన్నారు..