MLC ఎన్నికల నామినేషన్ ప్రక్రియ మొదలైంది-కూర్మనాథ్
నెల్లూరు: నెల్లూరు జిల్లా స్థానిక సంస్థల నియోజకవర్గ ఎన్నికకు సంబంధించి అన్ని ఏర్పాట్లు పూర్తి చేసినట్లు రిటర్నింగ్ అధికారి రోణంకి కూర్మనాథ్ పేర్కొన్నారు. గురువారం కలెక్టరేట్లోని ఆయన మీడియాతో మాట్లాడుతూ నెల్లూరు జిల్లా స్థానిక సంస్థల నియోజకవర్గ ఎన్నికకు నామినేషన్ ప్రక్రియ మొదలైందని, ఈనెల 23 వరకు నామినేషన్లు స్వీకరిస్తామని, 24న నామినేషన్ల పరిశీలన, 27వ తేదీ మధ్యాహ్నం మూడు గంటల్లోగా నామినేషన్ల ఉపసంహరణకు గడువు విధించినట్లు పేర్కొన్నారు..నామినేషన్ల ఉపసంహరణ అనంతరం తుది జాబితాను ప్రచురించి, మార్చి 13వ తేదీ ఉదయం 8 గంటల నుంచి సాయంత్రం నాలుగు గంటల వరకు పోలింగ్ నిర్వహించనునట్లు వెల్లడించారు. ఉమ్మడి నెల్లూరు జిల్లాలోని సుళ్లూరుపేట, గూడూరు, నెల్లూరు, కావలి, ఆత్మకూరు డివిజన్ లలో పోలింగ్ కు ఏర్పాట్లు చేసామని చెప్పారు.
