అనంతపద్మనాభ స్వామి ఆలయంలోని కొనేటిలో కన్పించిన కొత్త మొసలి
అమరావతి: కేరళలోని కాసరగోడ్ జిల్లాలోని శ్రీ అనంతపద్మనాభ స్వామి ఆలయంలోని కొనేటిలో 5 రోజుల క్రిందట కొత్త మొసలి కన్పించింది.. పునర్జన్మ పొందిన దేవతగా భావించే మొసలి ‘బబియా’ గత సంవత్సరం అక్టోబరు 9వ తేదిన మరణించింది..మరణించిన బబియా వయస్సు దాదాపు 70 సంవత్సరాలు వుంటుందని ఆలయ అధికారులు వెల్లడించారు.. మొసలి మరణించిన సంవత్సరం అయిన తరువాత ఆలయం సరస్సులో కొత్త మొసలిని భక్తులు గుర్తించి ఆలయ అధికారుల దృష్టికి తీసుకెళ్లారు..ఆలయ చైర్మన్ ఉదయ్ కుమార్,,కోనేటిలో కొత్త మొసలి వున్న విషయంను ధృవీకరించారు.. ఆలయ ప్రధాన పూజారికి ఆ సమాచారం అందించామని, ఏం చేయాలో ఆయనే నిర్ణయించకుంటారని అయన తెలిపారు..కొలనులో ఒక మొసలి మరణించిన తరువాత కొద్దిరోజులకు మరో మొసలి కనిపించడం ఆనవాయితీగా వస్తుంది.. గత సంవత్సరం మరణించిన బబియా 3వ మొసలి అని అధికారులు తెలిపారు.. బబియా మరణించినప్పుడు చివరిగా చూసేందుకు రాజకీయ నాయకులతో పాటు వందలాది మంది భక్తులు వచ్చారు..మరణించిన బబియా మొసలి పూర్తి శాఖాహారి..ఇది ఆలయంలో తయారు చేసిన ప్రసాదాన్నే ఆహారంగా తీసుకునేది.. బబియా కొలను పక్కనే ఏర్పాటు చేసిన షెడ్డులో నివసించేది..ప్రధాన పూజారి రాత్రి ఆలయం నుంచి బయటకు వెళ్లినప్పుడు బబియా ఆలయ ప్రాంగణంలోకి వచ్చి మందిరానికి కాపలాగా ఉండేదని, తెల్లవారు జామున ఆలయ ద్వారాలు తెరుచుకునే శబ్దాలువిని అది నేరుగా కొలను లోపలికి వెళ్లేదని ఆలయ అధికారులు తెలిపారు.