12 రకాల గుర్తింపు కార్డులతో ఓటుహక్కు వినియోగానికి అవకాశం- కలెక్టర్‌
నెల్లూరు: సార్వత్రిక ఎన్నికల ప్రక్రియలో భాగంగా మే 13న పోలింగ్‌ రోజున ఓటరు గుర్తింపుకార్డుతో పాటు 12 రకాల గుర్తింపు కార్డులతో ఓటర్లు తమ ఓటుహక్కు వినియోగించుకోవచ్చని జిల్లా ఎన్నికల అధికారి, కలెక్టర్‌ హరినారాయణన్‌ పేర్కొన్నారు. ఓటరు గుర్తింపు కార్డుతో పాటు ఈ దిగువ పేర్కొన్న గుర్తింపు కార్డులతో ఓటుహక్కు వినియోగించుకోవాలని కలెక్టర్‌ చెప్పారు.
1). ఆధార్‌కార్డు
2). ఎంజిఎన్‌ఆర్‌ఈజిఎస్‌ జాబ్‌కార్డు
3). బ్యాంకు / పోస్టాఫీసు జారీ చేసిన ఫోటోతో కూడిన పాస్‌బుక్‌
4). కార్మిక మంత్రిత్వ శాఖ పథకం ద్వారా జారీ చేయబడిన ఆరోగ్యబీమా స్మార్ట్‌కార్డు
5). డ్రైవింగ్‌ లైసెన్సు
6). పాన్‌కార్డు
7). ఎన్‌పిఆర్‌ (నేషనల్‌ పాపులేషన్‌ రిజిష్టర్‌) కింద ఆర్‌జిఐ (రిజిస్ట్రార్‌ జనరల్‌ ఆఫ్‌ ఇండియా) జారీ చేసిన స్మార్ట్‌కార్డు
8). భారతీయ పాస్‌పోర్టు
9). ఫోటోతో కూడిన పెన్షన్‌ డాక్యుమెంటు
10). కేంద్ర / రాష్ట్ర ప్రభుత్వం / పిఎస్‌యులు/ పబ్లిక్‌ లిమిటెడ్‌ కంపెనీల ద్వారా ఉద్యోగులకు జారీ చేయబడిన ఫొటోతో కూడిన సేవా గుర్తింపుకార్డు
11). ఎంపిలు/ఎమ్మెల్యేలు/ఎమ్మెల్సీలకు జారీ చేయబడిన అధికారిక గుర్తింపుకార్డులు
12). సామాజికన్యాయం, సాధికారత మంత్రిత్వశాఖ జారీ చేసిన ప్రత్యేక వైకల్యం ఐడి (యుడిఐడి) కార్డు
